Náð í gögn úr öðru námskeiði

Kennari getur flutt námsgögn t.d. möppur og skrár, verkefni eða próf, á milli námskeiða sem hann kennir eða hefur kennt. Þannig er hægt að endurnýta efni í stað þess að búa það til upp á nýtt. Gögnin eru í raun afrituð og afritið flutt. Flutningurinn hefur því engin áhrif á kennsluvef námskeiðsins þaðan sem efnið er tekið. Þegar próf eru flutt á milli námskeiða fylgir spurningabankinn með. Nemendagögn s.s. einkunnir eða verkefnaskil flytjast ekki með.

* Þessi aðgerð á við þegar efnið sem flytja á er í sama Moodle-kerfi.

Leið: Kennslusíða > Tannhjól > Flytja inn

  1. Opnið námskeiðið sem á að fá gögnin (nýja námskeiðið) og farið í flytja inn undir tannhjólinu í efra hægra horni (sjá mynd).
    flytja inn efni frá öðru námskeiði
  2. Veljið námskeiðið sem er með gögnin og smellið á áfram.
    Ef kennari hefur aðgang að mjög mörgum námskeiðum er hægt að nota leitina fyrst til að finna námskeiðið sem um ræðir.
  3. Næst þarf að velja hvers konar hluti á að flytja. Takið hak úr við atriði sem ekki stendur til að flytja.
    1. Ef ekki á að flytja próf er óþarfi að flytja spurningabankann (Athugið að Moodle hefur þá annmarka að flytja allan spurningabankann með þó að einungis eitt próf sé flutt inn).
    2. Síur er oftast óþarfi að flytja inn, þar sem einfalt er að breyta stillingum á þeim í hverju námskeiði.
    3. Ef hópar og klasar eru fluttir koma þeir tómir, þar sem nemendur flytjast ekki með.
      Smellið á áfram.
  4. Á næstu síðu eru valin einstök viðfangsefni eða aðföng sem á að flytja. Hér er allt sjálfvalið. Takið hak úr reitum við atriði sem ekki á að flytja inn í námskeiðið.
    Athugið að flytja ekki „Tilkynningar kennara“ (Fréttaþing), það verður sjálfkrafa til á kennsluvef.
    Smellið á Áfram.

  5. Að lokum er smellt á flytja inn.