Skipulag kennsluvefs – Bestu venjur

Mismunandi er hvernig bygging hentar í hverju tilfelli. Hér fyrir neðan eru nokkur dæmi um mismunandi uppbyggingu kennsluvefs.

• Kennslusíðan er uppsett m.v. vikur. Hver vika fær sinn reit þar sem viðeigand efni er sett inn s.s. mappa með lesefni, glærur og verkefni. Dagsetningar viku koma sjálfkrafa sem fyrirsögn en hægt er að bæta við annarri fyrirsögn fyrir aftan.
• Kennslusíðan er skipulögð út frá þeim efnisflokkum sem farið verður í. Hver efnisflokkur fær sinn reit t.d. prósentureikningur, hornasumma þríhyrninga, ummál og flatarmál.
• Kennslusíðan er byggð upp út frá eðli námsþáttar t.d. lesefni sett í einn reit, umræður í annan, verkefni í þann þriðja o.s.frv.
• Kennslusíðan er framsett út frá mikilvægi efnis. Það mikilvægasta eða það sem nemendur nota mest er haft sýnilegast/efst.

Til að velja framsetningu kennslusíðunnar er farið uppssetningu í tannhjólinu hægra megin, á forsíðu námskeiðsins.

Athugið að framsetningin fellireitir býður bæði upp á vikuuppsetningu og reiti sem kennari gefur titil s.s. fyrir námsþætti. Sjá nánar um uppsetningu kennsluvefs.

Kennslusíðan /forsíðan sýnir aðalþætti námskeiðsins. Á henni hefur nemandi yfirlit yfir inntak þess. Ávallt er mælt með að halda lengd kennslusíðu í lágmarki til að koma í veg fyrir að nemandi þurfi að að leita að efni eða skruna mikið. Oft er miðað við að kennslusíðan sjáist öll á einni skjáfyllu.

• Lágmarkið lengd kennslusíðu og þar með skrun, með því að setja skrár í möppur og skipuleggið í undirmöppur ef þörf krefur. Forðist að hafa fleiri en 2-3 skrár í viku án þess að setja þær í möppu.
• Notið framsetninguna fellireiti (Leið: Tannhjólið á kennslusíðunni > uppsetning – framsetning: fellireitir). Með því er hægt að fella saman einstaka hluta/vikur kennslusíðunnar. Fellireiti er einnig hægt að stilla á vikuuppsetningu (við „structure“). Of langir/síðir kennsluvefir vinna á móti góðu vinnulagi, eru tímafrekir fyrir notandann og erfitt er að fá yfirsýn yfir efni þeirra. Oft er talað um skroll dauðans (scroll of death) í því sambandi.
  Önnur lausn er að stilla kennslusíðuna þannig að hún sýni einn hluta/viku í einu (í uppsetningu), þannig er hægt að fletta á milli hluta hennar í stað þess að skruna.
• Hafið haus kennslusíðunnar (efsti hluti miðjudálks) ekki of langan. Nemandinn þarf að skruna í gegnum haus vefsins í hvert skipti sem hann kemur inn á vefinn.
• Forðist að birta efni (texta) beint á kennslusíðunni nema það sé nauðsynlegt fyrir samhengi eða skipulag, notið heldur síðu eða bók undir efni. Setja má stutta skýringu við tengil á efni nemendum til glöggvunar (Leið: Í ritham > +nýtt viðfangsefni eða aðföng > snepill).

Gætið samræmis í uppröðun og framsetningu efnis innan hverrar viku eða námshluta t.d. með því að setja atriði upp í sömu röð í hverri viku s.s.  glærur, möppur, verkefni, próf og hafa lýsingu verkefna eða upplýsingar um próf uppsetta með sama hætti. Notið inndrátt skipulega þar sem hann á við (örin).

Hafið fyrirsagnir á kennslusíðunni stuttar, skýrar og lýsandi fyrir innihald. Of langar fyrirsagnir geta skipt sér í línur í snjalltækjum.

Notið undirfyrirsagnir og stuttar skýringar þar sem þær eru nauðsynlegar. (Leið: Í ritham > +nýtt viðfangsefni eða aðföng > snepill).

Langir listar af hlekkjum í viðfangsefni og námsgögn geta verið erfiðir aflestrar. Til auka læsileika er hægt að brjóta upp slíka lista með láréttum línum og línubilum. Einnig er hægt að setja hlekki upp á sér síðu, t.d. hlekki sem eru á efni utan við Moodle (Leið: Í ritham > +Nýtt viðfangsefni eða aðföng > Síða).

Notið inndrátt þar sem við á (Leið: Í ritham > Breyta aftan við viðfangsefni og færa til hægri).

Eyðið blokkum, hægra megin á kennslusíðunni, sem ekki stendur til að nota í námskeiði. Efni sem ekki þjónar tilgangi dregur að athygli frá meginefni og getur skapað misskilning. Alltaf er hægt að bæta við blokkum aftur sem hefur verið eytt. Kynnið ykkur blokkir og notið þær sem henta ykkar námskeiði.

Athugið að blokkir sjást ekki í Moodle-appinu, því þarf að miða við kennsluvefurinn sé nothæfur án þeirra.

Notið verkfærin síðu, bók eða html blokk fyrir tenglasöfn, kennsluáætlun eða annað efni sem kennari skrifar sjálfur, í stað þess að hlaða því upp sem skrá. Með því að skrifa beint inn í Moodle er fljótlegra að uppfæra efnið auk þess sem það er notendavænna m.t.t. snjalltækja. Setjið upp blokk (html blokk) á áberandi stað með tenglum í atriði sem eru mikið notuð í námskeiðinu.

Myndir geta lífgað upp á og virkað sem leiðarvísar sem auðvelda nemanda að rata um kennslusíðuna, sérstaklega í efnismiklum námskeiðum. Mynd efst á síðunni auðkennir námskeiðs og skapar stemmningu.

Myndir geta hins vegar einnig dregið athygli nemandans frá meginatriðum. Í því sambandi er talað um „cognitive overload“. Hugur notandans eyðir tíma og orku í að meðtaka myndir, því meira sem þær eru mismunandi t.d. að stærð og formati. Stór mynd efst á kennslusíðu er e.t.v. skemmtileg í byrjun en getur orðið  leiðingjörn þegar notandinn þarf að skrolla fram hjá henni í hvert skipti sem hann kemur inn á vefinn. Því er rétt að vera meðvitaður um tilgang mynda og samræmi í uppsetningu þeirra, t.d. með því að hafa myndir á kennslusíðu í sama formati og jafnstjórar.

Athugið einnig hvort myndirnar á vefnum henta snjalltækjum. Eru þær of stórar? Minnka þær þegar þær eru skoðaðar í snjalltækjum? Þarf notandinn að skrolla þversum og langsum til að skoða þær í síma? Ef mynd á að minnka í samræmi við skjástærð þess sem skoðar þarf að setja hak við „auto size“ þegar mynd er sett inn.

Auðkennið námshluta sem verið er að fara yfir hverju sinni (ljósaperan/highlight undir breyta) og dragið hann jafnvel efst á síðuna. Ef vikuuppsetning er notuð er núlíðandi vika ávallt auðkennd sjálfvirkt og því ekki boðið upp á „highlight“.

Nemendur nota símann mikið fyrir Moodle. Það er því nauðsynlegt að athuga hvernig kennsluvefurinn kemur út í síma. 

Moodle býður upp á app til að setja í snjallsíma. Með því að setja upp appið í símann og fara í gegnum efni kennsluvefsins má sjá hvort eitthvað er óljóst eða kemur ekki út eins og ætlast er til. Moodle mobile á Google Playstore.

Athugið að afrita ekki texta af vefsíðum og líma inn í Moodle án þess að hreinsa textann fyrst. Þegar texti er merktur og afritaður af vefsíðu er gjarnan kóði á bak við sem fylgir efninu sem var afritað. Slíkur kóði getur valdið því að kennsluvefurinn hættir að virka eða lokast með öllu. Þetta á einni við þegar efni er merkt og afritað úr Moodle.

Hvernig er afritaður texti hreinsaður?

Opnið t.d. html umhverfi ritilsins (hnappur með <>) og límið textann þar inn eða límið textann inn í Notepad, afritið hann þaðan og límið inn í Moodle.

uppfæra þarf hlekki á skrár í námskeiði í hvert skipti sem námskeiðsgögn eru afrituð og sett á nýjan kennsluvef. 

Hlekkir á skrár, verkefni eða annað sem eru búnir til á vefsíðu uppfærast ekki. Þeir vísa á gögnin í gamla námskeiðinu. Til að forðast að uppfæra hlekkina eftir að gönin hafa verið flutt er hægt að nota annað vinnulag. 

Leiðir

mappa

snepill og skrár