Tilkynningar til nemenda

Leið: Kennsluvefur > tilkynningar kennara > nýtt umræðuefni

Svona er farið að:

1. Smellið á tengilinn tilkynningar kennara á kennsluvefnum og því næst á nýtt umræðuefni.
2. Gefið tilkynningunni titil í línuna efst, og skráið tilkynninguna sjálfa í ritilinn fyrir neðan.
   Kjósi kennari að tilkynningin fari strax til nemenda í tölvupósti þarf að setja hak við senda núna, að öðrum kosti verður tilkynningin send að 30 mínútum liðnum.
3. Smellið á senda innlegg.

Ef ekki er hakað við senda núna hefur kennari 30 mínútur til að breyta tilkynningunni áður en hún er send í tölvupósti. Tilkynningin birtist þó alltaf strax á vef námskeiðsins.

Viðhengi
Fyrir neðan ritilinn getur kennari sett skrá/skrár sem viðhengi með tilkynningunni.

Pinned
Ef hakað er við pinned trónir þessi tilkynning efst í röð tilkynninga á vef námskeiðsins, þó aðrar nýjar séu sendar.

Birta tímabil
Neðst á síðunni er hægt að stjórna því hversu lengi og hvenær tilkynningin er sýnileg á vef námskeiðsins. Ef tímastillingar eru ekki notaðar heldur tilkynningin áfram að vera aðgengileg á kennsluvefnum.

Nemendur

Nemendur fá tilkynningar í tölvupósti og geta skoðað allar tilkynningar kennara á kennsluvefnum með því að smella á tengilinn tilkynningar kennara. Nýjustu tilkynningar koma einnig fram í blokkinni nýjar fréttir.

Nokkrum nemendum send skilaboð/tölvupóstur

1. Opnið kennsluvef námskeiðsins.

2. Smellið á þátttakendur í veftrénu vinstra megin.

3. Merkið við nöfn þeirra nemenda sem eiga að fá skilaboðin eða veljið hóp í síunni/fellilistanum efst og merkið við nöfn.

4. Veljið senda skilaboð í fellilistanum neðst á síðunni.

5. Skráið skilaboðin í ritilinn.

6. Smellið á forskoða og að lokum senda skilaboð.

Nemendur fá skilaboðin í tölvupósti og geta lesið þau í skilaboðunum sínum í Moodle en þau eru ekki vistuð á vef námskeiðsins.

Skilaboðablokk sett upp á vef áfangans

Kennsluvefur > í ritham > bæta við blokk > skilaboð

Ef skilaboðakerfi Moodle er notað vegna námskeiðs hentar að setja upp skilaboðablokkina á kennsluvefinn. Notendur sjá í blokkinni hvort þeir hafa fengið ný skilaboð.

Með því að setja blokkina skilaboð upp á kennsluvefinn sjá nemendur og kennarar námskeiðsins hvort þeir eiga ólesin skilaboð í Moodle. Til að setja upp blokkina er farið í ritham > bæta við blokk > skilaboð. Tengillinn í blokkinni leiðir beint í skilaboðin. Notandi getur einnig farið í skilaboðakerfið með því að smella á eigið nafn efst til hægri og velja skilaboð.

Quickmail

Quickmail blokkin er viðbót í Moodle til að senda útvöldum nemendum eða hópi tölvupóst. Kennari getur leyft nemendum að nota Quickmail svo þeir geti sent hópfélögum sínum póst. Byrja þarf á að setja blokkina upp.

1. Setjið kennsluvefinn í ritham.
2. Í bæta við blokk neðst til vinstri er Quickmail valið.
   
   
   

   ATH. Nauðsynlegt er að skrá titil á tölvupóst í subject línuna til að póstur sé sendur.
   Quickmail er frekar einfalt í notkun en nánari leiðbeiningar um það má finna á netinu t.d. hér

Með því að búa til hóp í námskeiði, setja upp umræðu og skilyrða aðgang að umræðunni miðað við hópinn er hægt að vera í samskiptum við ákveðna nemendur (eða nemanda). Með því að að stilla umræðuna á skylduáskrift fá nemendur hópsins innleggin send í tölvupósti. Eingöngu nemendur hópsins geta smellt á umræðuna á vef áfangans og séð innlegg kennara.