Uppsetning kennsluvefs

Þegar kennsluvefur er stofnaður í Moodle er hann hulinn nemendum. Svona er vefurinn gerður sýnilegur.

1. Opnið kennsluvef námskeiðsins í Moodle.
2. Opnið tannhjólið í efra hægra horni og veljið uppsetningu.
3. Veljið sýna við liðinn sýnilegt, í almenna hlutanum efst.
   
4. Vistið neðst á síðunni með því að smella á vista og birta.

*Athugið að einfalt er að fela einstaka hluta kennsluvefs eða atriði þó að vefurinn sé hafður sýnilegur og aðgengilegur nemendum.

Námskeið hefst
Dagsetningin við námskeið hefst miðast við hvenær Moodle kennsluvefurinn er stofnaður og er sjálfvirkt valin. Kennari getur breytt dagsetningunni ef þörf krefur t.d. til að dagsetningar vikna komi rétt út þegar vikuskipulag er notað.

Námskeiði lýkur
Nauðsynlegt er að haka við virkja og velja lokadagsetningu námskeiðs. Ástæðan er sú að námskeið fer þá undir flipann fyrir eldri námskeið á stjórnborði notanda eftir að því lýkur. Að öðrum kosti verður námskeiðið áfram í lista með námskeiðum í gangi hjá nemendum og kennurum námskeiðsins.

Hér skal annað hvort að vera stuttur texti um námskeiðið með tengli í nánari upplýsingar um námskeiðið í kennsluskrá Háskólans eða einungis tengill á upplýsingar um námskeiðið í kennsluskrá. Athugið að upplýsingar þurfa að vera í samræmi við birtar upplýsingar í kennsluskrá viðkomandi kennsluárs.

Textinn er birtur í lista yfir námskeið í Moodle og/eða þegar leitin er notuð. 

Framsetningin fellireitir er sjálfvalin fyrir kennsluvef. Með henni er hægt að fella saman vikur og námsþætti. Fellireitir bjóða upp á nokkrar undirstillingar þar sem m.a. má velja hvort kennslusíðan á að miðast við vikur eða námsþætti og hvernig litir eru notaðir. Aðrir möguleikar í framsetningu eru einnig í boði.

Við „structure“ er hægt að velja hvort fellireitir skuli miðast við vikuuppsetningu eða námsþætti.

Kennari getur skilyrt að kennsluvefur birtist ávallt á tilteknu tungumáli. Að skilyrða tungumál vefs getur t.d. hentað vel í tungumálanámi. 

Hér er fyrsta skrefið við að virkja skráningu vinnuskila í námskeiði.

Skráning vinnuskila veitir kennara aðgang að skýrslu sem sýnir öll vinnuskil nemenda á einum stað. Skýrslan sýnir nöfn nemenda, verkefni, próf, umræður, möppur og annað sem kennari kýs að láta koma þar fram og hvort nemandi hafi lokið við atriði eða ekki. Skýrslunni er hægt að hlaða niður á töflureiknisniði.

Kennari stillir í uppsetningu atriðis, s.s. verkefnis, prófs eða umræðu hvernig atriðinu telst vera lokið t.d. hvort nemandi má haka sjálfur við að hann hafi lokið við atriði, hvort nemandi þarf að skila verkefni, ná lágmarkseinkunn eða annað. Skráning vinnuskila veitir nemanda yfirsýn yfir þá vinnu sem námskeið krefst, hversu stórum hluta vinnunnar hann hefur lokið á hverjum tíma og hversu miklu er ólokið. Sjá nánari leiðbeiningar um uppsetningu á skráningu vinnuskila.

Sjálfvalda stillingin fyrir kennsluvef er engir hópar. Sú stilling er einnig sjálfvalin þegar aðföng og viðföng eru stofnuð (verkefni, umræða, mappa t.d.). Þetta merkir að þegar á að nota hópa t.d. í umræðu þarf að velja hópstillingu.

Í Moodle tengist stilling á hópum í uppsetningu námskeiðs því hvernig nemendur sjá hópa námskeiðsins og meðlimi í þeim.

• Engir hópar - Nemandi sér þá hópa sem hann tilheyrir en getur ekki smellt á hópana til að sjá hverjir eru með honum í hópi.
• Aðskyldir hópar - Nemandi sér eigin hópa og getur smellt á þá og séð aðra hópmeðlimi.
• Sýnilegir hópar - Nemandi sér alla hópa námskeiðs, getur smellt á hvern og einn og séð meðlimi þeirra, þó svo að hann sjálfur sé ekki meðlimur. Athugið að þetta geta í sumum tilfellum verið viðkvæmar upplýsingar. Sem dæmi eru nemendur oft settir í hópinn „Lengdur próftími“.